#بيفوسفونات

#بيفوسفونات
ريزيدرونات... ايباندرونات ( ايباندرونيك أسيد)... اليندرونات...

في جوف المعدة هناك طبقة من الفوسفوليبيدات تعين مخاطيتها على حماية الظهارة المعدية من تأثير الحمض
يتم ذلك لأن الفوسفوليبيدات و أهمها فوسفاتيديل كولين ثنائي الشحنة يمنع البروتون الغدار من العبور

البيفوسفونات ياجماعة تركيبها الكيميائي بيشبه تركيب الفوسفاتيديل كولين فبينافس المسكين على مواقع ارتباطه و بيشكل ثغرات بيقدر البروتون المتربص العبور من خلالها

لذلك فتأثير البيفوسفونات الضار موضعي مو جهازي... يعني اذا عطينا بالوريد شو رح يصير بالجهاز الهضمي... قال مارح يصير شي

لهالشي البيفوسفونات لازم تتاخد على معدة فارغة... ليش لتسريع الامتصاص.. مشان نخلص عالسريع
ولازم مانستلقي بعدها... ليش لحتى نحمي المري من هالضرر
ولازم نشرب كاسة مي كبيرة معها... ليش لحتى نحمي المري كمان...

لهيك هالحبة لابتنقسم و لابتقرط و لابتنمص... بتنبلع و بس..

بقي شغلة وحدة خاصة مني الكن كصيادلة... لحتى نضمن انه الامور مشيت بالسليم مية بالمية مابصير المريض يشرب حبة NSAIDs بالليلة قبل صبحية البيفوسفونات

الى اللقاء اصدقائي الكرام